उचाई बढीमा ५ फुटमात्र देखिए पनि हरेक दिन उनको दिनचर्या काठमाडौंका रेकर्डिङ स्टुडियोहरुमा कट्ने गर्दछ । ४ वर्षघिमात्र विराटनगरमा संगीत क्षेत्रमै स्थापित हुने रहरले काठमाडौं छिरेकी मनिषा पोख्रेलको दैनिकी धेरै हदसम्म व्यवसायिक भइसकेको छ ।विराटनगरको स्वर संगम संगीत विद्यालयका गुरु कुशेश्वर र्राईसँग २०५८ सालदेखि केही समय औपचारिक संगीतको ज्ञान हाँसिल गरेकी मनिषा सानैदेखि गायनमा अध्याधिक रुचि राख्ने गर्थिन् ।

धरानमा हुर्के-बढेका नेपाली चलचित्र क्षेत्रका व्यावसायिक पटकथाकार सुरज सुब्बा 'नाल्बो' ले फरक तर व्यावसायिक चलचित्र निर्देशन गरेका छन्- 'बाटोमुनिको फूल'  निर्देशक सुब्बा यति मात्र भन्छन्, 'सामाजिक तथा प्रेम कथा छ तर व्यावसायिकको नाममा अहिलेको फर्मूलाभन्दा फरक किसिमले नयाँ टे्रन्ड ल्याउन खोजिएको छ ।'

हङकङमा निर्माण भएको चलचित्र द प्लान गत २७ डिसेम्बरका दिन युकेको रिडीङमा सफल्ता पूर्वक प्रदर्शन गरियो । चलचित्र प्रदर्शनीमा नायक ध्रुव दत्त, नायिका सब्रिना श्रेष्ठ र युद्ध पुन चलचित्र प्रदर्शनीमा उपस्थित थिए ।
एलबी सुब्बाले आयोजना गर्नु भएको चलचित्र प्रदर्शनी बेलुकी ७ बजे गरिएको नायक ध्रुवले आलोपालोलाई जानकारी दिएका छन् । युकेका दर्शकहरुले समेत रुचाइ दिएको चलचित्र द प्लान यस अघि हङकङमा समेत प्रिमियर शो सम्पन्न भइसकेको छ । हङकङ वरपर छाँयांकन गरिएको चलचित्र द प्लान कृष्णवहादुर लामगादेले निर्माण गरेका हुन् । प्रबीन बराइलीको निर्देशन रहेका चलचित्रमा ध्रुव दत्त, जुनु पुन, सब्रिना श्रेष्ठ, युद्ध पुन, शिवकुमार लिम्बू, हेमन्तकृष्ण लिम्बू र हेमराज राईको विशेष भूमिका रहेको छ ।