Send News,Article and Feedback to us ! e-mail:
This e-mail address is being protected from spambots. You need JavaScript enabled to view it.
What Ails You
निशुल्क प्रसुति सेवा केन्द्र स्थापनाको लागि आज धरान नगरपालिकासँग छलफल
धरान १ मंसिर / जिल्ला स्वास्थ्य कार्यलय सुनसरीले शहरी स्वास्थ्य केन्द्र अन्र्तगत निशुल्क प्रसुति सेवा केन्द्र स्थापनाको लागि आज धरान नगरपालिकासँग छलफल गरेकोे छ । धरान नगरपालिकाको संयोजनमा भएको कार्यक्रममा गरिब तथा विपन्न वर्गहरुका लागि निशुल्क प्रसुति सेवा केन्द्रको स्थापना गर्न छलफल भएको हो । छलफलमा धरान स्थित विपि प्रतिष्ठानबाट प्रसुती सेवादिन कठिन भएकोले धरान लगायतका पाँचकन्या र विष्णुपादुका गाविसमा सुरक्षित निशुल्क प्रसुति सेवा प्रदानगर्न आवश्यक रहेको जिल्ला स्वास्थ्य कार्यलय सुनसरीका प्रमुख डाक्टर श्रीराम प्रसाद शाहले बताउनभयो ।
डा. शाहले प्रसुती सेवा सञ्चालन पश्चात ९० प्रतिशत गरिब र विपन्न वर्गहरुले केही हदसम्म राहत पाउने समेत बताउनुभएको छ । साथै शाहले जिल्ला स्वास्थ्य कार्यलय सुनसरीले १ वर्षसम्म सहयोग गर्ने र सो पछिका दिनमा समुदायमा नै समुह बनाएर यो सेवालाई निरन्तरता दिने योजना रहेको छलफलमा उपस्थित सहभागीहरु माझ प्रस्ताव राख्नु भएको थियो ।
धरान नगर पालिकाको रोहबरमा धरान ४ स्थित पुरानो अस्पतालको भवनमा सहकारी स्वास्थ्य केन्द्रको स्थापना, प्रसुति केन्द्र सञ्चालनको स्विकृतीको लागि जिल्ला स्वास्थ्य कार्यलय सुनसरी सँग अनुरोध गर्ने र एउटा स्वास्थ्य सेवा केन्द्रको लागि समिति बनाउने सो छलफलले निर्णय गरेको छ । धरान नगरपालिकाको संयोजनमा भएको छलफलमा विभिन्न राजनितिक दल, जिल्ला स्वास्थ्य कार्यलय सुनसरीका प्रतिनिधिहरुको उपस्थिति रहेको थियो ।
