Send News,Article and Feedback to us ! e-mail:
This e-mail address is being protected from spambots. You need JavaScript enabled to view it.
Design
चित्रकला प्रदर्शनी
धनकुटा ५ असोज / कलाप्रतिको रुची जगाउने उदेश्यले पल्लब रञ्जनद्धारा बनाईएको नेपालकै सवैभन्दा ठुलो चित्रकला प्रदर्शनी आज धनकुटामा सम्पन्न भएको छ । धनकुटा कला दोभानको स्थानिय संयोजन र राष्ट्रव्यापी एकल कला प्रर्दशनी, स्पाइनी ब्यावलर र मुञ्चा डटकमकोे आयोजनामा गत आइतबारदेखि ५ दिनसम्म धनकुटाको सामुदायिक भवनमा चित्रकला प्रदर्शनी गरिएको थियो ।
चित्रकला प्रर्दशनीमा क्यानभासमा निर्माण गरिएको ५८ फिट लामो र ८ फिट चौडाई भएको ई अपच्र्युनिटी नामक चित्रको प्रर्दशनी गरिएको थियो । अहिलेको आधुनिक युगमा भईरहेको ईन्टरनेटको विकास र त्यसको महत्व झल्किने किसिमले चित्रको निर्माण गरिएको चित्रकार रञ्जनले वताउँनुभयो ।
रञ्जनद्धारा निर्मित चित्रकला हालसम्म नेपालमा निर्माण गरिएका चित्रहरु मध्येकै सबैभन्दा ठुलो रहेको आयोजकले जनाएको छ । प्रर्दशनीमा धनकुटाका ख्याति प्राप्त स्थानिय चित्रकारहरु श्रीकृष्ण जोशी, रक्भाकला आर्टका मुकुन्द प्रयास, शुसिल श्रेष्ठ, धिरेन्द्रलाल श्रेष्ठ लगायतले बनाएका चित्रहरु समेत प्रदर्शनीमा समावेश गरिएको थियो । प्रमुख जिल्ला अधिकारी कुमार श्रेष्ठले उद्धघाटन गरेकोे चित्रकला प्रर्दशनीमा ३ हजार दर्शकले अवलोकन गरेको आयोजक सस्थाले जनाएको छ ।
