Send News,Article and Feedback to us ! e-mail:
This e-mail address is being protected from spambots. You need JavaScript enabled to view it.
धनकुटामा कामदारको समस्या
धनकुटा २० मङ्सिर÷ वैदेशिक रोजगारका लागि युवा पुस्ता विदेशिनेक्रम बढेपछि धनकुटामा कामदारको समस्या हुन थालेको छ । विदेशमा राम्रो आम्दानीगर्ने आशामा पछिल्लो समयमा युवापुस्ता विदेशिनेक्रम बढेपछि कामदार अभाव हुँदा जिल्लाको अधिकांश उद्योग धन्दाहरु समस्यामा परेका हुन् । कामदार अभावकै कारण हिलेमा सञ्चालित करिब पाँचवटा बिस्कुट उद्योगमध्ये हाल तीनवटा बन्द भइसकेका छन् ।
केही वर्षअघिसम्म आफ्नो उत्पादन पहाडी जिल्ला सङ्खुवासभा, भोजपुर, तेह्रथुमसम्म पुयाउने गरेको हिलेको स्थानीय क्वालिटी बिस्कुट उद्योग अहिले कामदार अभावमा सञ्चालनमा समस्या भएको सञ्चालक हिक्मत श्रेष्ठले बताउनुभयो ।
त्यस्तै कामदार नपाउँदा जिल्लाकै जेठो मोहन बिस्कुट उद्योगसमेत सङ्कटमा परेको छ । उद्योगमा काम गर्दैआएका ३० जनाभन्दा बढी कामदार वैदेशिक रोजगारीका लागि खाडीमुलुक गइसकेको सञ्चालक श्रेष्ठले बताउनुभयो ।
