क्यान्सर शरीरको कोषिकाहरु (cells) को रोग हो। हाम्रो शरीरले सधैँ नयाँ नयाँ कोषिकाहरु बनाउने गर्दछ जसले गर्दा हाम्रो शरीरमा रहेका पुराना कोषिकाहरु र क्षतिग्रस्त कोषिकाहरुको मर्मत गर्ने र त्यसको ठाउँ लिने गर्दछन्। सामान्यत: कोषिकाहरु बढ्छन् र व्यवस्थित तरिकाले गुणा हुँदै बढ्दै जान्छ। यो प्रक्रियालाई नियन्त्रण गर्ने केही जीनहरु (genes) हुन्छन्। तर यसलाई नियन्त्रण गर्ने जीनमा हानि भएमा यस प्रक्रियामा असामान्य व्यवहार देखिन थाल्दछ; कोषिकाहरु छिटो गतिमा बढ्दछ। यिनै जीनहरुको क्षति भयो भने क्यान्सर हुने गर्दछ। केही असामान्य कोषिकाहरु बढेर ट्यूमर (tumour) या गाँठ बन्न सक्दछ। यी गाँठहरु दुई प्रकारका हुन्छन्; बिनाइन (benign) र मलिगनेन्ट (malignant)। बिनाइन गाँठ शरीरको अन्य भागमा फैलिदैन, त्यसैले यो आक्रमक हुँदैन तर, मलिगनेन्ट गाँठ भने आक्रमक साथै अन्य भागमा फैलिने गर्दछ। कसरी हुन्छ त क्यान्सर?