मिर्जा दिलसाद वेग हिन्दी चलचित्रमा 'हिरो' बन्ने धुनमा १४ वर्षकै उमेरमा घरबाट भागेर मुम्बई पुगेका थिए । हिरो त होइन, धेरैपछि उनी आफैंले निर्माण गरेको नेपाली चलचित्र 'चाहना' मा खलनायक भए । तर त्यसबेलासम्ममा उनी वास्तविक जीवनमै 'खलनायक' बनिसकेका थिए, जसको अन्त्य पनि फिल्मी शैलीबाटै भयो ।मिर्जाको ४७ वर्षे जीवनमा त्यो दिन कालो सोमबार थियो । त्यो दिन अर्थात् २०५५ असार १५ गते एउटा सुनियोजित आक्रमणमा परेका पूर्वराज्यमन्त्री तथा सांसद वेगले आफ्नो विवादास्पद जीवन सधैंका लागि बिसाए । नेपालको सन्दर्भमा कुनै पनि उच्चपदस्थ व्यक्तिलाई बीच सडकमै गोली ठोकेर मारिएको घटना यो पहिलो हो, जुन आफैंमा डरलाग्दो सुरुआत हुनसक्छ ।

प्रहरीको गोलीवाट गत वर्षो मार्च १७ तारिख मारिएका दिलवहादुरको मृत्यु छानवीन सम्वन्धी आज ४० औं दिन पनि जारी रहेको छ। छानवीनको क्रममा अस्ति विहीवार मुद्दाको सुनुवाई गरिरहेका कोरोनरले दिलवहादुरको पक्षमा एक महत्वपूर्ण निर्णय दिएकाछन् । दिलवहादुर लिम्वूको मुद्दा छानवीनमा परिवारको तर्फाट वोलाइएको एकमात्र साक्षी डाक्टर वे स्वान लिपलाई गोलीले लिएको दिशा,खुर्सानीको झोलको प्रभावकारिता तथा गोलीलागेको ठाउँमा भेटिएका वस्तुहरु (गन शट रेसिड्यु)को विषयमा वयान दिन पाउने भएकाछन् ।

धरान/ खानेपानीको चरम अभाव भोगिरहेको धरानका सरोकारवालाहरुले समस्या समाधानको उपायको खोजीका लागि भर्खरै विभिन्न जलाधार क्षेत्रहरुको अध्ययन भ्रमण गरेका छन् । धरान एकीकृत जलाधार संरक्षण तथा खानेपानी व्यवस्थापन समितिका पदाधिकारी तथा सरोकारवालाहरु समेत गरी ३५ जनाको टोली हेटौडा, कुलेखानी, शिवपुरी-सुन्दरीजल, धुलिखेलका जलाधार क्षेत्र तथा खानेपानी व्यवस्थापनका बारेमा अध्ययन गरी फर्किर्एको छ ।

धरानमा भएको बाह्रौं बुढासुब्बा गोल्डकप फुटबल प्रतियोगिताको उद्घाटन खेलमा मोरङलाई एकका विरुद्ध चार गोलले हराउँदै आयोजक धरान फुटबल क्लब क्वाटरफाइनलमा प्रवेश गरेको छ । धरान रङ्गशालामा सम्पन्न उद्घाटन खेलमा धरानका जर्सी नं ८ का सुदीप लिम्बूले दिएको पास सदुपयोग गर्दै जर्सी नं ७ का लक्ष्मी श्रेष्ठले खेल सुरु भएको दुई मिनेटमै पहिलो गोल गरेका थिए ।

छ महिनाअघि अधिराज राई "प्रकाश"को संयोजकत्वमा संगठित किरात राई पत्रकार सहयोग समिति हङकङले संस्थाको आकार लिएको छ। किरात राई पत्रकार संघ नेपालले आगामि चैत्रमा आफ्नो अधिवेशन गर्ने निर्णय गरेपछि हंगकंगलाई जिल्ला कमिटी स्तरको अनुमति दिने निर्णय उताबाट आएपछि बल्ल यस्ले संगठनको आकार लिएको हो हंगकंगमा।भेलाले यस सहयोग समितिलाई सस्थागत लाने निर्णय पस्चात नाम पनि "किरात राई पत्रकार संघ हङकङ रहने भएकोछ।